Ambasada e Greqisë në Shqipëri kremtoi 205-vjetorin e Revolucionit Grek 🇬🇷 të vitit 1821, të mërkurën, më 25 mars 2026, në hotelin Maritim Plaza në Tiranë.
Në pritje morën pjesë dhe e nderuan me praninë e tyre Fortlumturia e Tij, Kryepeshkopi i Durrësit, Tiranës dhe gjithë Shqipërisë, z. Joan, Presidenti i Republikës së Shqipërisë, z. Bajram Begaj, Ministri për Evropën dhe Punët e Jashtme z. Ferit Hoxha, Ministri i Turizmit dhe Kulturës z. Blendi Gonxhja dhe Ministrja e Shtetit për Administratën Publike dhe Antikorrupsionin znj. Adea Pirdeni, si dhe përfaqësues të qeverisë, trupit diplomatik, komunitetit të biznesit dhe institucioneve.
Ky event vuri në pah rëndësinë e kësaj dite historike, si dhe forcimin e vazhdueshëm të marrëdhënieve greko-shqiptare, në një klimë bashkëpunimi dhe dialogu.
Kompanitë anëtare të Shoqatës së Biznesit Grek në Shqipëri morën pjesë aktivisht, duke konfirmuar mbështetjen e tyre të vazhdueshme ndaj iniciativave që nxisin bashkëpunimin dhe forcojnë marrëdhëniet mes dy vendeve.
