Rreth HBAA

Denald-George Tafani

Z.Denald-George Tafani është Drejtor Ekzekutiv i PPC Albania Sh.A. që nga Shkurt 2022.
Ai është pjesë e PPC Albania Sh.A që nga viti 2017 dhe ka qene i suksesshem ne role të ndryshme drejtuese në menaxhimin ligjor dhe administrativ të kompanisë.

z.Tafani ka menaxhuar projekte të shumta në Shqipëri dhe në Ballkanin Perëndimor. Ai ka një përvojë të gjerë në projekte energjetike, tregtimin me shumicë të energjisë elektrike, monitorimin e tregut, politikat e tregtisë së jashtme, strategji biznesi dhe negociata. Ka njohuri të gjithanshme për tendencat në fushën e energjisë dhe zhvillimit të qëndrueshëm.
Për më tepër, me një përvojë disavjeçare në Zyren e çështjeve Ekonomike dhe Tregtare të Ambasadës së Greqisë në Tiranë, bashkëpunon me të gjithë aktorët kryesorë në ndërtimin e partneriteteve të forta.

Në Shkurt 2021, z.Tafani u zgjodh Anëtar i Bordit të Shoqatës së Biznesit Grek ne Shqipëri, ndersa sot mban pozicionin e Presidentit te kesaj shoqate.
Ai është anëtar i Dhomës së Avokatëve Shqiptarë që nga viti 2018 dhe flet Greqisht, Shqip dhe Anglisht.
Ka perfunduar studimet Master në Fakultetin e Drejtësise.

Ilias Katsouris

z. Ilias Katsouris, me studime ekonomike dhe i diplomuar në një Universitet në Britaninë e Madhe, dhe 30 vitet e fundit kryhen aktivitete te ndryshme ne fushen e bisnesit në Shqipëri.

Aktiviteti i tij kryesisht ka qenë në sektorin e ndërtimit dhe telefonisë celulare, ndërsa vitet e fundit kompania DSA “Sistemi Dixhital për Arkivimin” në të cilën ai është aksioneri kryesor dhe CEO ofron shërbime të specializuara të programeve IT dhe dixhitalizimin e skedarëve- dokumenteve.

Është anëtar i zgjedhur dhe Nënkryetar i Shoqates.

Alexandros Kosenas

z. Alexandros Kosenas, 44 vjeç, lindur në Pire/Greqi me diplomë MBA në Strategji të Korporatës.
Ai ka një përvojë të gjerë pune në fushën ndërkombëtare të shitjes me pakicë dhe gjatë karrierës së tij ka punuar në Ballkan dhe në Evropën Lindore, duke mbuluar aktivitete në Shqipëri, Maqedonin e Veriut, Ukrainë, Poloni, Rumani, Bullgari, Greqi dhe Qipro. Njohuritë e tij të thella per tregjet ndërkombëtare dhe vendas të shteteve siperpermendur janë dëshmuar gjatë karrierës së tij.
Që nga viti 2008, ai mban pozicionin e CEO të Neptun, një kompani lider e cila tregton me pakicë pajisje elektronike.
Është i martuar, baba i 3 fëmijëve dhe jeton në Shqipëri. U zgjodh anëtar i Këshillit Drejtues të Shoqatës dhe mban pozicionin e Sekretarit të Përgjithshem.

Georgios Batsakis

z. Georgios Batsakis është inxhinier, me studime MBA në MIT Sloan School në Boston/SHBA. Μe më shumë se 20 vjet përvojë në sektorin industrial dhe duke mbajtur pozicione të rëndësishme në kompani ndërkombëtare, aktualisht mban pozicionin e Drejtorit të Përgjithshëm të Alumil Albania dhe te Arkëtarit të Shoqatës së Biznesit Grek në Shqipëri.

z. Batsakis ka punuar dhe ka marrë pjesë në projekte shumë kërkuese te start-up -eve në Shqipëri dhe është një person jashtëzakonisht i përgjegjshëm, me standarde të larta etike dhe falë përvojës së tij të gjatë në botën e biznesit shqiptar, ai do të ndihmojë Shoqatën të arrijë qëllimet dhe të zgjerojë prezencën e saj ne Shqipëri.

Georgios Tsikandylakis

z. Georgios Tsikandylakis, me studime në Universitetet Britanike për ekonomi (BA) dhe administrim biznesi (MBA), është angazhuar në fushën e biznesit si aksioner dhe drejtues kompanie për më shumë se tridhjetë vjet.
Sot, ai mban pozicionin e Drejtorit të Përgjithshëm të Sideral Shpk, filial i Sidenor SA, të grupit Viohalco.

Gjatë katër viteve te fundit, z. Tsikandylakis ka qenë anëtar i zgjedhur i Bordit Drejtues të Shoqates së Biznesit Grek në Shqipëri, duke njohur çështjet që shqetësojnë sipërmarrjen greke në vend dhe kontribuon aktivisht në përmbushjen e objektivave të Shoqates.

Mario Bracci

Mario Bracci iu bashkua GRUPIT TITAN në vitin 2017 dhe aktualisht është Drejtor i Përgjithshëm i TITAN ANTEA Cement në Shqipëri dhe TITAN SHARRCEM në Kosovë. Z. Bracci është një sipërmarrës italian me mbi 30 vjet përvojë ndërkombëtare në biznesin e prodhimit të çimentos. Gjatë karrierës së tij, ai ka mbajtur pozicione të ndryshme menaxheriale, nga operacionet deri tek menaxhimi i përgjithshëm, në Itali, SHBA, Zvicër, Tajlandë, Spanjë dhe Marok.

Mario ka një Master në Inxhinieri Mekanike nga Universiteti i Firences dhe ka përfunduar programin ekzekutiv PMD në Harvard Business School.

Ai ka shërbyer si Anëtar i Bordit në Shoqatën e Investitorëve të Huaj në Shqipëri (FIAA) dhe aktualisht shërben si Anëtar i Bordit të Shoqatës së Biznesit Grek në Shqipëri (HBAA) dhe Shoqatës së Bashkimit të Prodhuesve të Shqipërisë.

Të dashur miq,

Është nder dhe përgjegjësi ti shërbej Shoqatës së Biznesit Grek në Shqiperi (HBAA) nga posti i Presidentit. Që nga themelimi i saj në Tetor të vitit 2003, Shoqata e Biznesit Grek në Shqipëri ka marrë energjinë, forcën dhe vizionin nga anëtarët e saj. Forca lëvizëse dhe frymëzimi i HBAAs është sipërmarrja e shëndetshme, krijuese, inovative dhe produktive.

Anëtarët tane perfaqesojne sektorë të ndryshëm biznesi në sektorë kyç dhe strategjikë të ekonomisë shqiptare si industria, prodhimi ushqimor, energjia, infrastruktura, turizmi, shëndetësia, telekomunikacioni dhe shërbimet teknologjike.

Si Shoqatë e Biznesit Grek në Shqipëri, besojmë thellësisht në perspektivën e zhvillimit dhe prosperitetit të Shqipërisë brenda familjes Europiane. Synimi ynë është të kontribuojmë në këtë drejtim duke sjellë propozime konkrete për ekonominë dhe biznesin. Propozimet i paraqesim në debatin publik dhe në takimet tona të rregullta me lidershipin politik vendor.

Vizioni ynë është të përmirësojmë progresin social dhe ekonomik përmes produktivitetit, hapësirës së tregtisë, inovacionit dhe konkurrencës. Ne kërkojmë të zhvillojmë dhe të forcojme investimet e ndërsjella ekonomike, tregtare, industriale dhe në përgjithësi investimet e biznesit si dhe ato arsimore, kulturore dhe zhvillimore, si dhe çdo formë tjetër të marrëdhënieve, kontakteve dhe lidhjeve midis Shqipërisë dhe Greqisë. Në këtë kontekst, ne besojmë se kompanitë tona anëtare mund të luajnë një rol vendimtar pozitiv në këtë drejtim.

Progresi për ne është i lidhur ngushtë me realitetin ekonomik të vendit. Kemi investuar dhe vazhdojmë të investojmë në Shqipëri, sepse besojmë në aftësitë dhe potencialin e pashfrytëzuar të vendit. Dhe ne e bëjmë këtë në praktikë: “Investojmë në Shqipëri”, “Krijojmë vende pune në Shqipëri”, “Krijojmë të ardhura për Shqipërinë”; kjo është ajo që ne e quajmë “Sipërmarrja Greke në Shqipëri”.

Në një kohë kur ekonomia dhe shoqëria po testohen ashpër dhe pasiguria po vështirëson biznesin, nevoja për sinergji, aleancë dhe dialog produktiv shtohet. Nevojitet urgjent një zhvendosje e vendit drejt zhvillimit të qëndrueshëm dhe ekstroversionit me një strategji të qartë dhe një horizont afatgjatë që do të krijojë vende pune, paga më të mira për punonjësit, një mjedis ekonomik të qëndrueshëm dhe do të vendosë themelet për një sipërmarrje të fortë greke në Shqipëri.

Kështu e perceptojmë rolin dhe kontributin tonë!

Denald George Tafani

President I Shoqatës së Biznesit Grek në Shqiperi

• “Albanian Mobile Communications” SH.A.
  (e përfaqësuar nga z. Stefanos Octapodas)
• “Alpha Bank” SH.A.
  (e përfaqësuar nga z. Andreas Galatoulas)
• “Alumil Albania” SH.P.K.
  (e përfaqësuar nga z. Sotirios Poulios)
• “Avin Albania” SH.A.
  (e përfaqësuar nga z. Konstantinos Apostolidis)
• “Commercial Bank of Greece, Albania” SH.A.
  (e përfaqësuar nga z. Georgios Karakostas)
• “Galaxy Medical Enterprises” SH.P.K.
  (e përfaqësuar nga z. Dimitrios Gavriil)
• “Global Petroleum Albania” SH.A.
  (e përfaqësuar nga z. Manolis Papathanasiou)
  “Intralban” SH.A.
  (e përfaqësuar nga z. Konstantinos Thanos)
• “Mamidoil Albania” SH.A.
  (e përfaqësuar nga z. Pavlos Garinis)
• “National Bank of Greece, Tirana Branch”
  (e përfaqësuar nga z. Vasileios Fillis)
• “TiranaBank” SH.A.
  (e përfaqësuar nga z. Kostas Galiatsos)