Shoqata e Biznesit Grek në Shqipëri, e përfaqësuar nga Presidenti i saj z. Denald George Tafani, mori pjesë në aktivitetin “Çmimet e Biznesit 2026”, të organizuar nga Dhoma e Tregtisë dhe Industrisë së Janinës, si dhe në ceremoninë tradicionale të prerjes së Vasilopitës për Vitin e Ri. Pjesëmarrja e përfaqësuesve të lartë institucionalë dhe vendorë, përfshirë Prefektin e Rajonit të Epirit z. Alexandros Kahrimanis, Mitropolitin e Nderuar të Janinës Hirësia e Tij z. Maksimos dhe Presidentin e Bashkimit të Dhomave Greke të Tregtisë z. Voutsinas, theksoi rëndësinë e këtij institucioni dhe vlerën e promovimit të sipërmarrjes dhe arritjeve të saj. Aktiviteti vuri në pah kontributin e biznesit në zhvillimin ekonomik, inovacionin dhe qëndrueshmërinë e ekonomive lokale.
Shoqata e Biznesit Grek në Shqipëri mban një bashkëpunim të qëndrueshëm dhe të ngushtë me Dhomën e Tregtisë dhe Industrisë së Janinës, i forcuar përmes Memorandumit të Bashkëpunimit ndërmjet dy institucioneve, me synim zhvillimin e iniciativave të përbashkëta dhe zgjerimin e bashkëpunimit ekonomik ndërkufitar. Në këtë frymë, Shoqata vijon të zgjerojë partneritetet me dhomat e tregtisë dhe organizatat e biznesit në Greqi dhe Shqipëri, duke kontribuar në forcimin e lidhjeve ekonomike rajonale. Urime organizatorëve dhe fituesve të çmimeve për këtë organizim të suksesshëm.
