Shoqata e Biznesit Grek në Shqipëri (HBAA) pati kënaqësinë të mirëpresë në zyrat e saj z. Dimitris Skalkos, Sekretar i Përgjithshëm për Marrëdhënie Ekonomike Ndërkombëtare dhe Ekstroversion në Ministrinë e Punëve të Jashtme të Greqisë, i shoqëruar nga znj. Maria Koumoutsakou, Shefe e Zyrës Ekonomike dhe Tregtare të Ambasadës Greke në Tiranë.
Gjatë vizitës u zhvillua një takim pune me Bordin Drejtues të Shoqatës, në të cilin u diskutuan në mënyrë të thelluar roli, veprimtaritë dhe nismat e HBAA-së, si dhe mundësitë për forcimin dhe rritjen e pranisë së saj institucionale. Vëmendje e veçantë iu kushtua kontributit të anëtarëve të Shoqatës në ekonominë shqiptare, ndikimit të tyre në zhvillim, punësim dhe transferimin e know-how-it, si edhe nevojës për forcimin e ekstroversionit të ndërmarrjeve greke në Shqipëri.
Në fokus të diskutimit ishin gjithashtu marrëdhëniet ekonomike dypalëshe midis Greqisë dhe Shqipërisë, perspektivat e bashkëpunimit të mëtejshëm, mbështetja e ndërmarrjeve të vogla dhe të mesme që synojnë të zhvillojnë aktivitet në vend, si dhe sfidat dhe mundësitë e mjedisit të biznesit. Presidenti i Shoqatës, z. Denald George Tafani, evidentoi çështjet kryesore që shqetësojnë anëtarët dhe perspektivat strategjike të Shoqatës, duke i dhënë një peshë të veçantë dialogut dhe përcaktimit të prioriteteve të përbashkëta.
Shoqata e Biznesit Grek në Shqipëri mbetet e përkushtuar ndaj misionit të saj, duke mbështetur në mënyrë aktive praninë e biznesit grek dhe duke forcuar bashkëpunimin ekonomik dhe institucional ndërmjet dy vendeve.
Hellenic Business Association of Albania
