Me pjesëmarrje jashtëzakonisht të lartë, e cila tejkaloi 98%, u zhvillua të mërkurën, më 26 nëntor 2025, në Maritim Plaza Hotel, Mbledhja e Rregullt – Zgjedhore e Asamblesë së Përgjithshme të Shoqatës së Biznesit Grek në Shqipëri (EEEA), sipas Ftesës së Bordit Drejtues të datës 29.10.2025.
Shoqata, si i vetmi organizëm kolektiv që përfaqëson dhe mbështet prej 22 vitesh interesat e biznesit grek në Shqipëri, prezantoi raportin e plotë të periudhës trevjeçare 2022–2025 dhe vijoi me zgjedhjen e Bordit të ri Drejtues.
Në fillim të punimeve u konstatua kuorumi, me pjesëmarrje që tejkaloi 2/3 e anëtarëve, në përputhje me parashikimet e Statutit.
Asambleja e Përgjithshme zgjodhi Kryesinë e saj për drejtimin e seancës, si më poshtë:
- Kryetar i Seancës: Z. Dimitris Dimou (Antea Cement)
- Nënkryetar i Seancës: Z. Taulant Piero (Mellon Albania)
- Sekretare e Seancës: Znj. Drilona Likaj (Eurofast International)
Asamblenë nderoi me praninë e Znj. Maria Koumoutsakou, Shefe e re e Zyrës së Ekonomike dhe Tregrare, pranë Ambasadës së Greqisë në Tiranë, e cila me pjesëmarrjen e saj konfirmoi edhe një herë bashkëpunimin e ngushtë dhe të qëndrueshëm ndërmjet Shoqatës dhe autoriteteve përkatëse diplomatike greke.
Presidenti i Shoqatës, Z. Denald George Tafani, paraqiti në detaje veprimtarinë e periudhës trevjeçare 2022–2025 të Bordit drejtues në largim, sikurse ajo pasqyrohet në Raportin Zyrtar të Veprimtarisë të paraqitur përpara Asamblesë.
Pikat kryesore të Raportit të Veprimtarisë
- Rritja e Anëtarësisë dhe Zgjerimi i Sektoreve
- Numri i anëtarëve u rrit nga 26 në 43 (rritje 62%),
- Përfaqësim nga 17 sektorë të ndryshëm ekonomikë.
- Stabiliteti dhe Rritja Ekonomike
- Rritje e qëndrueshme e të ardhurave vjetore nga kuotat e anëtarsimit.
- Forcimi i Përfaqësimit Institucional
Gjatë trevjeçarit 2022-2025, Shoqata përforcoi në mënyrë domethënëse rolin e saj institucional si pikë referimi e komunitetit të biznesit grek në Shqipëri.
Në këtë kuadër:
- Mori pjesë në Albania Investment Council
- Mori pjesë në Tax Council of Albania
- U angazhua rregullisht në konsultime tematikë me ministri dhe institucione publike
- Zhvilloi takime me përfaqësues të qeverive Greke & Shqiptare
- Bashkëpunoi ngusht me Ambasadën e Greqisë dhe Ambasadën e Shqipërisë
- Nënshkrimi i Memorandumeve të Bashkëpunimit
Në kuadër të strategjisë për zgjerimin e bashkëpunimeve ndërkombëtare dhe rrjetëzimit të komunitetit të biznesit grek, Shoqata nënshkroi giatë viteve 2022-2025 Memorandume të rëndësishëm Bashkëpunimi :
- Memorandum Bashkëpunimi me Dhomën e Tregtisë së Janinës
- Memorandum Bashkëpunimi me Shoqatën e Biznesit Grek në Serbi dhe Shoqatën e Biznesit Grek në Maqedoninë e Veriut
- Organizimi i Evenimenteve dhe Konferencave Kryesore
- 43 aktivitete me rreth 2.400 pjesëmarrës,
- AI Business Summit (200+ pjesëmarrës, 10 folës),
- Masterclass-e, workshop-e dhe Career/Employment Days,
- Mbështetje të konferencave ndërkombëtare (Delphi Forum, Energy Forum dhe Balkanomics).
- Përmirësimi i Shërbimeve ndaj Anëtarëve
- Newsletter mujor dhe Legal Digest
- Shërbime business matchmaking dhe networking
- Mediim B2G
- Iniciativa të Përgjegjësisë Sociale
- Ndihmë humanitare për rajonin e Thesalisë
- Bursa “AKADIMIA” për studentët ekselentë
- Forcimi i Pranisë Dixhitale
- Faqen të re zyrtare, rriti ndjeshëm prezencën në rrjetet sociale dhe krijoi bazën e zgjeruar të të dhënave të bizneseve anëtare.
Raporti i Veprimtarisë u miratua unanimisht.
Asambleja e Përgjithshme vijoi me votimin e fshehtë për zgjedhjen e shtatë (7) anëtarëve të Bordit të ri Drejtues.
Përbërja e Bordit është si vijon:
- Denald George Tafani – PPC Albania sh.a – Kryetar
- Ilias Katsouris – DSA “Digital System for Archiving” shpk – Nënkryetar
- Alexandros Kosenas – Neptun shpk – Sekretar i Përgjithshëm
- Georgios Batsakis – Alumil Albania shpk – Arkëtar
- Evgjenia Kashuta – Anëtar A (Antea Cement sha)
- Maria Delijorgji – Anëtar B (Përparimi sha)
- Angelos Kostopoulos – Anëtar Zëvendësues (Strati & Kostopoulos shpk)
Mandati i Bordit të ri është trevjeçar (2025–2028).
Shoqata e Biznesit Grek në Shqipëri shpreh mirënjohjen e saj të sinqertë për pjesëmarrjen e jashtëzakonshme dhe besimin e anëtarëve në këtë proces.
Si përfaqësuesi i vetëm kolektiv i komunitetit të biznesit grek në Shqipëri, Shoqata mbetet e përkushtuar në forcimin
- e përfaqësimit institucional,
- e rrjetëzimit të biznesit,
- të pranisë rajonale,
- të promovimit të sipërmarrjes greke
- të mundësive të përbashkëta të investimeve ndërmjet dy vendeve.
Trevjeçari i ri hap horizonte të reja për një prani edhe më dinamike, partneritete strategjike dhe forcim të shërbimeve ndaj anëtarëve.
