Në një atmosferë gëzimi dhe solemniteti, sot, më 29 mars 2025, u zhvillua Fronëzimi i Fortlumturisë së Tij, Kryepiskopit të Tiranës, Durrësit dhe gjithë Shqipërisë, Imzot Joan, në Katedralen “Ngjallja e Krishtit” në Tiranë.
Kjo ngjarje historike për Kishën Orthodhokse Autoqefale të Shqipërisë shënon fillimin e një epoke të re, pas ndarjes nga jeta të Kryepiskopit të ndjerë Anastas. Në ceremoni morën pjesë besimtarë të shumtë, klerikë, përfaqësues të Kishave Orthodhokse dhe personalitete shtetërore. Kryebariut të ri iu dorëzua shkopi kryepiskopal nga Mitropoliti i Apolonisë dhe Fierit, Imzot Nikolla, ndërsa u mbajtën fjalime përshëndetëse nga përfaqësues të kishës dhe shtetit.
Ndër të pranishmit ishin Presidenti i Republikës së Shqipërisë, z. Bajram Begaj, Kryetarja e Kuvendit, znj. Elisa Spiropali, Zëvendëskryeministrja dhe Ministrja e Infrastrukturës, znj. Belinda Balluku, si dhe ministra të tjerë të qeverisë shqiptare. Nga Qeveria Greke morën pjesë Ministri i Mbrojtjes, z. Nikos Dendias, dhe Ministrja e Arsimit, znj. Sofia Zacharaki.
Shoqatën e Biznesit Grek në Shqipëri e përfaqësoi Presidenti i saj.
