Shoqata e Biznesit Grek në Shqipëri (HBAA) organizoi me sukses samitin e parë “AI Business Summit” në Tiranë. Ky aktivitet u realizua në bashkëpunim me Accenture Greece, një lider global në fushën e shërbimeve profesionale dhe teknologjisë, e cila mbështeti konferencën duke ofruar ekspertizën e saj në krijimin e strategjive inovative të bazuara në Inteligjencën Artificiale.
Samiti mblodhi së bashku sipërmarrës të shquar, akademikë dhe ekspertë të Inteligjencës Artificiale nga Greqia, Shqipëria dhe vendet e tjera të Ballkanit, si dhe zyrtarë qeveritarë dhe përfaqësues të institucioneve publike dhe ndërkombëtare në nivelin më të lartë, duke theksuar rëndësinë e këtij aktiviteti si një pikë referimi për bashkëpunimin dhe përparimin në fushën e AI në rajon.
Qëllimi i organizimit ishte të nxirrte në pah mundësitë dhe sfidat që sjell Inteligjenca Artificiale në botën e biznesit, të inkurajonte bashkëpunimin ndërkufitar dhe të promovonte transferimin e njohurive dhe inovacionit. Konferenca ofroi një mundësi të shkëlqyer për prezantimin e zgjidhjeve inovative dhe shkëmbimin e mendimeve për të ardhmen e Inteligjencës Artificiale në rajon, me pjesëmarrësit që diskutuan për aplikimin e AI në përditshmërinë e biznesit, procesin e transformimit dixhital, si dhe sfidat dhe mundësitë që lindin në një peizazh dixhital që ndryshon me shpejtësi.
Në fjalën e tij hapëse, Presidenti i HBAA-së, z. Denald George Tafani, theksoi se “Inteligjenca Artificiale nuk është më një teknologji e së ardhmes, por një gur themeli i suksesit të sotëm të biznesit, dhe nuk diskutojmë më nëse do ta përdorim AI në biznes, por si, kur dhe në ç’mënyrë.”
Vëmendje e veçantë iu kushtua sfidave që përballen ndërmarrjet e vogla dhe të mesme në Shqipëri, të cilat përbëjnë rreth 90% të totalit, në lidhje me integrimin e teknologjive të reja, për shkak të mungesës së njohurive, financimit dhe infrastrukturës. Përmes konferencës u ofruan udhëzime të vlefshme dhe mjete praktike për shfrytëzimin e Inteligjencës Artificiale, me synimin për të rritur produktivitetin, ulur kostot dhe forcuar konkurrueshmërinë.
Presidenti i HBAA-së, z. Tafani, theksoi gjithashtu nevojën për një Strategji Kombëtare për Inteligjencën Artificiale në Shqipëri dhe një kornizë ligjore që do të sigurojë përdorimin etik dhe të sigurt të kësaj teknologjie – duke mbrojtur përdoruesit pa penguar zhvillimin e inovacionit dhe teknologjisë. Ai theksoi gjithashtu se “Shqipëria, me potencialin e saj, pozicionin strategjik dhe ambicien e saj të palëkundur evropiane, mund të shndërrohet në një qendër dinamike të teknologjive të zgjuara në Ballkan, duke ndjekur shembullin e Greqisë. Greqia, një fqinj, partner dhe mik i ngushtë i Shqipërisë, është një shembull se si një vend mund të transformohet në një qendër teknologjike të rajonit. Sot, Greqia është një nga shtatë vendet e BE-së të përzgjedhura nga Komisioni Evropian për krijimin e fabrikave të para të Inteligjencës Artificiale në Evropë.”
Country Managing Director i Accenture Greece, z. Kyriakos Sabatakakis, foli për vlerën e Inteligjencës Artificiale, duke theksuar se jetojmë në epokën e AI dhe se kjo do të ketë një ndikim gjithnjë e më të madh në të ardhmen. Ai theksoi se jemi në një fazë ku të gjithë synojnë të nxjerrin vlerë reale nga kjo teknologji dhe se procesi i transformimit është i pafund, ndërsa ata që marrin pjesë në këtë udhëtim do të përfitojnë së shpejti përfitime të rëndësishme, duke shtuar se Inteligjenca Artificiale përfaqëson një forcë të pandalshme për rinovimin e industrisë.
Në aktivitet morën pjesë edhe përfaqësues të qeverisë shqiptare. Ministrja e Sipërmarrjes dhe Klimës së Biznesit, znj. Delina Ibrahimaj, theksoi rëndësinë e inovacionit dhe zgjidhjeve dixhitale për zhvillimin e sipërmarrjes, duke vënë në dukje se Shqipëria përqafon Inteligjencën Artificiale si një motor zhvillimi gjithëpërfshirës, duke tërhequr inovacionin dhe krijuar ura me ekosistemin teknologjik evropian. Drejtori i Autoritetit Kombëtar për Sigurinë Kibernetike, z. Igli Tafa, foli për sfidat dhe mundësitë në fushën e sigurisë kibernetike, duke theksuar se transformimi dixhital i udhëhequr nga AI kërkon një siguri kibernetike të fortë dhe të qëndrueshme, tashmë një shtyllë themelore në të gjitha fushat dhe jo më një element shtesë. Zëvendësambasadori i Greqisë në Shqipëri, z. Athanasios Astrakas, theksoi se organizimi i një Konference për Inteligjencën Artificiale nuk është thjesht i përshtatshëm, por i domosdoshëm, pasi AI nuk është një tendencë, por një ndryshim paradigme. Në aktivitet mori pjesë edhe Zëvendësministri i Inovacionit, z. Sokol Duma.
Gjatë Samitit, u zhvilluan sesione tematike të veçanta:
Dr. Giorgis Kritsotakis, Managing Director, Energy & Resource Lead në Accenture Greece, prezantoi sesionin “Human & Machine Superpowers”, duke treguar se si bashkëpunimi midis njeriut dhe makinës është një realitet që përmirëson shoqërinë, rishpik organizatat dhe formëson të ardhmen e industrive, me ndërveprimin njerëzor dhe mekanik që takohen në të ashtuquajturin “Missing Middle”.
Dr. Kyriakos Sabatakakis, prezantoi sesionin “Leading with Value”, duke treguar se si organizatat mund të zhvillojnë kapacitete tërësisht të integruara të biznesit duke shfrytëzuar Inteligjencën Artificiale Gjenerative (Gen AI), duke promovuar kalimin nga funksionet e fragmentuara në modele tërësore të biznesit dhe duke përforcuar rrjedhat e punës.
Dr. Gerasimos Mileounis, Data & AI Managing Director në Accenture Greece, prezantoi dy sesione: në “AI and Generative AI in Action”, ai dha shembuj praktikë të aplikimeve dhe mjeteve të AI që transformojnë mënyrën tradicionale të punës, duke rritur produktivitetin dhe cilësinë, në funksione horizontale (si Marketingu, Shitjet, HR) dhe në sektorë vertikalë (si Industria, Energjia dhe Shërbimet Publike), ndërsa në sesionin “Close the Gap on Responsible AI” ai zhvilloi parimet për projektimin dhe zbatimin e AI në një mënyrë që sjell vlerë, menaxhon rreziqet, respekton etikën dhe përputhshmërinë me rregulloret, dhe siguron mbrojtjen e privatësisë dhe sigurisë së të dhënave.
- Vangelis Kapsalakis, Technology Director në Accenture Greece, zhvilloi sesionin “Understand and Develop an AI-enabled, Secure Digital Core”, ku prezantoi arkitekturën teknologjike që mbështet zgjidhjet e Inteligjencës Artificiale Gjenerative, nevojën për përgatitjen dhe sigurimin e cilësisë së të dhënave, ndërtimin e infrastrukturave të forta të IT-së dhe zgjedhjen e duhur të partnerëve për projektet Gen AI.
- Fotis Panagiotopoulos, Managing Director, Strategy & Consulting Lead në Accenture Greqi, zhvilloi pjesën “Reinvent Talent and Ways of Working”, duke theksuar nevojën për ridizenjimin e mënyrës së punës dhe aftësive në epokën e re të Inteligjencës Artificiale. Ai shpjegoi modelet e reja të lidershipit dhe të nxënies, të cilat organizatat dhe punonjësit duhet të adoptojnë.
Një nga momentet më të veçanta të Samitit ishte sesioni Fireside Chat, ku mori pjesë Raiffeisen Bank si Sponsor Platinum. Në panel ishin z. Fotis Panagiotopoulos rolin e moderatorit, , dhe z. Alexander Vangjeli, Drejtor i Divizionit për Qeverisjen e IT-së, të Dhënave dhe Proceset e Biznesit në Raiffeisen Bank. Ata diskutuan sesi Inteligjenca Artificiale nuk është thjesht një mjet, por motori që udhëheq përvoja më të mira për klientët, funksionim më të zgjuar dhe zhvillim të qëndrueshëm – siç e dëshmojnë liderë si Raiffeisen Bank.
Një interes të veçantë ngjallën prezantimet e znj. Florensa Haxhi, CEO e Durana Tech Park, dhe z. Dritan Delija, CEO i TEDA Tirana, të cilët paraqitën përpjekjet që po bëhen për zhvillimin e inovacioneve teknologjike dhe infrastrukturës në Shqipëri.
Duke përfituar nga mundësitë që ofroi AI Business Summit, Shoqata e Biznesit Grek në Shqipëri do të ndërmarrë nisma të reja për të forcuar bashkëpunimin ndërmjet bizneseve anëtare, institucioneve shtetërore dhe partnerëve ndërkombëtarë, me synimin të zhvillojë strategji për promovimin e Inteligjencës Artificiale në Shqipëri dhe në rajonin më të gjerë të Ballkanit.
Me mirënjohje të thellë, falënderojmë të gjithë ata që kontribuan në realizimin e AI Business Summit. Një falënderim i veçantë për Raiffeisen Bank, Sponsorin Platinum të Samitit, dhe për kompanitë DEI (PPC Albania Sh.A) dhe Titan Albania si Sponsorë Golden, për mbështetjen e tyre të çmuar. Gjithashtu, falënderojmë sinqerisht Abkons, Albsig, Fibank, Intermedica, Mellon Group, PwC, Schneider Electric dhe Tenet si Sponsorë Silver, si dhe Supporters DSA – “Digital System for Archiving”, Elinikon, Eurosig, Lajthiza, Sophi Caffe dhe Le Spot për përkrahjen e tyre.
Faleminderit gjithashtu për partnerët mediatikë: Albanian Daily News, Revista Anabel, BalkanWeb, Monitor, Euronews Albania, News24, Panorama, Panorama Sport, Psikologjia dhe Rash FM, që përcollën mesazhin e Samitit tek një audiencë e gjerë.
Së fundmi, shprehim mirënjohje të veçantë për partnerët strategjikë: Ministrinë e Ekonomisë, Kulturës dhe Inovacionit, Ministrinë e Sipërmarrjes dhe Klimës së Biznesit, Korporatën Shqiptare të Investimeve (AIC), Agjencinë Shqiptare të Zhvillimit të Investimeve (AIDA), Durana Tech Park, Drejtorinë e Përgjithshme të Pronësisë Industriale (DPPI), Innovation Hub, Agjencinë StartUp Albania, Bashkinë e Tiranës, TEDA Tirana dhe Universitetin Metropolitan.
Faleminderit për mbështetjen e tyre të vyer – AI Business Summit u bë një pikë referimi për promovimin e Inteligjencës Artificiale si një forcë lëvizëse e zhvillimit dhe inovacionit.
