Liderët e ekonomisë dhe politikës nga Ballkani Perëndimor bashkojnë forcat në “Balkanomics Conference”!
Jemi krenarë të njoftojmë pjesëmarrjen tonë si Partner Mbështetës në konferencën kryesore ekonomike Balkanomics, e cila organizohet në partneritet strategjik me USAID, BE dhe një rrjet kompanish private.
Më 16 Shtator 2024, vëmendja e të gjithëve do të jetë e fokusuar tek përpjekjet për dekarbonizim dhe iniciativat pionierë të ESG (Mjedisore, Sociale dhe Qeverisje) që do të tregojnë rrugën për një zhvillim të qëndrueshëm në rajonin tonë.
Me kënaqësi të madhe njoftojmë se projekti më i madh ESG i financuar nga BE-ja – me një buxhet transformues prej 234 milionë euro – i përket Grupit TΙΤΑΝ. Tre nga drejtuesit e tij do të flasin në Balkanomics.
Folësit Kryesorë:
- Emanuel Salinas, Menaxher i Vendit për Bankën Botërore në Shqipëri, do të na tregojë se si integrimi ekonomik mund të nxisë rritjen.
- Edward Joseph, analist i njohur i politikës së jashtme, do të analizojë marrëdhënien mes demokracisë dhe progresit ekonomik në Ballkanin Perëndimor.
- Dimitrios Dimou, Prokopios Faidon-Kosmas dhe Dritan Nako nga Grupi Titan, do të prezantojnë projektin më të madh të dekarbonizimit në Evropë.
- Marc Lehmann dhe Olsi Eftimi, arkitektë, do të na tregojnë se si parimet ESG mund të formësojnë të ardhmen e zhvillimit urban.
- Nancy VanHorn, Chargé d’Affaires në Ambasadën Amerikane në Shqipëri, do të flasë për demokracinë dhe shtetin e së drejtës si katalizatorë të rritjes ekonomike.
- Blendi Gonxhja (Shqipëri), Besar Durmishi (Maqedonia e Veriut), dhe Artane Rizvanolli (Kosovë), Ministrat e Ekonomisë, do të diskutojnë se si bashkëpunimet rajonale mund të çojnë në rritje ekonomike dhe investime ESG.
- Enio Jaço, bashkë-organizator i konferencës dhe ish-President i Dhomës Amerikane të Tregtisë në Shqipëri, do të na udhëheqë përmes sesioneve dinamike dhe diskutimeve strategjike, duke ofruar një platformë unike për shkëmbim idesh dhe krijimin e partneriteteve të reja.
Kjo konferencë, e cila mirëpret mbi 600 pjesëmarrës dhe 35 folës, përbën një mundësi të veçantë për krijimin e kontakteve të rëndësishme, shkëmbimin e ideve dhe forcimin e bashkëpunimeve që promovojnë prosperitetin ekonomik dhe stabilitetin në Ballkanin Perëndimor.
Na ndiqni për të marrë lajmet më të fundit dhe për të mësuar se si mund të merrni pjesë në këtë ngjarje të rëndësishme!
Mos humbisni mundësinë për t’u lidhur me liderët e rajonit dhe për t’u frymëzuar nga strategjitë që do të ndryshojnë të ardhmen e Ballkanit Perëndimor!
